ත්‍රිරෝද රථ සහ යතුරු පැදි සඳහා නව පෙට්‍රල් වර්ගයක් හඳුන්වා දීමට ඉදිරියේදී කටයුතු කරන බවත්, එම පෙට්‍රල් අඩු මිලකට ලබා දිය හැකි නිසා යතුරු පැදි හා ත්‍රිරෝද රථ වලට සැලකිය යුතු වාසියක් අත්වන බවත්, ඛනිජ තෙල් සංවර්ධන අමාත්‍ය අර්ජුන රණතුංග මහතා පසුගිය දිනෙක ප්‍රකාශ කළේය.
මෙරටට ආනයනය කරනු ලබන බොරතෙල් සපුගස්කන්ද පිරිපහදුවේදී අඩු ඔක්ටේන් අංකයක් යටතේ පෙට්‍රල් නිෂ්පාදනය කර මෙසේ ත්‍රිරෝද රථ සහ යතුරු පැදි සඳහා ලබා දීමට සැළසුම් කර තිබේ.
ත්‍රීරෝද රථ සහ යතුරු පැදි 99%ක්ම භාවිතා කරන්නේ ඔක්ටේන් 92 පෙට්‍රල් ඉන්ධන වර්ගයයි.
ලෝකයේ දැනට භාවිත ඔක්ටේන් 92 වන හා ඔක්ටේන් 95 ඉහළ ප්‍රමිතිගත පෙට්‍රල් විශේෂයක් ලෙසින් සලකනු ලබයි.
