අකුණු සන්නායක හොරෙක් නාවික හමුදා දැලේ
-
Wednesday, December 13, 2017
නාවික හමුදාවට ලද තොරතුරක් මත බටහිර නාවික විධානයට අනුයුක්ත නාවික පුද්ගලයන් පිරිසක් සහ කඩවත පොලිස් අපරාධ අංශයේ නිලධාරීන් පිරිසක් එක්ව සිදු කළ වැටලීමකදී පෞරාණික වටිනාකමකින් යුත් අකුණු සන්නායක තඹ තහඩුවක් සහ අඩි 60 ක පමණ දිගකින් යුත් අකුණු සන්නායක තඹ පටියක් සමග පුද්ගලයෙකු අත්අඩංගුවට ගෙන ඇත.
මෙම අකුණු සන්නායක තඹ තහඩු අලෙවි කිරීම සඳහා මෝටර් රථයක් මගින් රැගෙන යමින් සිටියදී කඩවත ප්‍රදේශයේදී මෙලෙස අත්අඩංගුවට ගෙන ඇති අතර, අත්අඩංගුවට ගත් පුද්ගලයා, මෝටර් රථය සහ අකුණු සන්නායක තහඩුව ඉදිරි නීතිමය කටයුතු සඳහා කඩවත පොලීසිය වෙත භාර දීමට කටයුතු කර ඇත.
