උපාලි සමූහ ව්‍යාපාර නිර්මාතෘ උපාලි විජයවර්ධන මහතාගේ 35 වැනි ගුණ සැමරුම අදට (13 වැනි දිනට) යෙදී ඇත. මේ නිමිත්තෙන් උපාලි සමූහ ව්‍යාපාර අලෙවි නියෝජිතයන්, සේවක සේවිකාවන් හා ජනතාව විසින් දිවයින පුරා ගුණසමරු උත්සව සහ පිංකම් රැසක්‌ සංවිධානය කර තිබේ.
13 වැනිදා උදේ 9.00 ට උපාලි සමූහ ව්‍යාපාර සේවක සේවිකාවන් විසින් සංවිධානය කරන ලේ දන්දීමේ වැඩසටහනක්‌ කැලණිය රජමහා විහාරස්‌ථානයේදී පැවැත්වේ. අඟහරුවාදා දින උදැසන 9.30 ට මට්‌ටක්‌කුලිය කාමලයිට්‌ දේවස්‌ථානයේ දේව මෙහෙයක්‌ද පැවැත්වේ. උදැසන 10.00 ට කැලණි රජමහා විහාරයේ ධාතු මන්දිරයට බුද්ධ පූජාවක්‌ සිදුකරන අතර කැලණිය හෙලේනා විජයවර්ධන විදුහලේ ආර්ථික දුෂ්කරතාවන්ගෙන් පෙළෙන දරුවන් 10 දෙනකුට ශිෂ්‍යත්ව ප්‍රදානය උපාලි සමූහ ව්‍යාපාරයේ සමූහ කළමනාකාර අධ්‍යක්‍ෂ නිමල් වෙල්ගම මහතාගේ ප්‍රධානත්වයෙන් උදැසන 10.30 ට සිදු කෙරේ.
