ආණමඩුව මුදලක්‌කුලිය ප්‍රදේශයේ නිවසක පැවැත්වීමට සූදානම් කර තිබූ සාදයකට මස්‌ පිණිස සකස්‌ කිරීමට රැගෙන ආ ගල් ඉබ්බන් සිව් දෙනකු ආණමඩුව පොලිසිය විසින් බේරා ගැනීමට කටයුතු කළේය.
පෙරේදා (16 වැනිදා) මෙම වැටලීම සිදුකර තිබේ.
ආණමඩුව පොලිසියේ ස්‌ථානාධිපති පො.ප. උපාලි රත්නමලල මහතාට ලද තොරතුරක්‌ මත සාදය පැවැත්වීමට නියමිතව තිබූ නිවසේ ගෙවත්තේ අතහැර දමන ලද ළිඳකට දමා සිටියදී මෙම ඉබ්බන් සොයාගෙන තිබේ.
ඉබ්බන් රැගෙන ආ සැකකරු ද පොලිසිය විසින් අත්අඩංගුවට ගැනිණි.
අත්අඩංගුවට පත් සැකකරු හා ගල් ඉබ්බන් ආණමඩුව අධිකරණයට ඉදිරිපත් කිරීමට නියමිතව තිබුණි.
