BREAKING NEWS
latest

728x90

header-ad

468x60

header-ad

දින 12 බිලිඳා මහමග දමා ගිය 22හැවිරදි වෛද්‍ය සිසුවිය මාට්ටු

දින 12 ක බිළිඳෙකු මහමග දමා ගිය චෝදනාවට අත්අඩංගුවට ගෙන අධිකරණයට ඉදිරිපත්කළ වෛද්‍ය සිසුවියක් රුපියල් ලක්ෂයක ශරීර ඇප මත මුදා හරින ලෙස අනුරාධපුර ප්‍රධාන මහේස්ත්‍රාත් සහ අතිරේක දිසා විනිසුරු හර්ෂණ කැකුනවෙල මහතා නියෝග කර තිබෙනවා.

මෙලෙස අත්අඩංගුවට ගෙන අධිකරණය වෙත ඉදිරිපත් කළේ වෛද්‍ය පීඨයේ ඉගෙනුම ලබන 22 හැවිරිදි සිසුවියක්.

ඇය විසින් තම දින 12 ක බිලිඳා බෙහෙත් ශාලාවක් අසල දමා ගොස් තිබියදී සොයාගනු ලැබුවා.

ඒ ඔස්සේ සිදුකල විමර්ශන වලදීයි සැකකාර වෛද්‍ය ශිෂ්‍යාව පොලොන්නරුව ප්‍රදේශයේදී අත්අඩංගුවට ගෙන ඇත්තේ.

පසුව මව සහ දරුවා සම්බන්ධයෙන් DNA පරීක්ෂණයක් සිදුකර ඇති අතර එහිදී අනාවරණ වී ඇත්තේ අදාළ බිලිඳා එම සැකකාර සිසුවියගේ දරුවා බවයි.

දරුවා ඔතා තිබූ රෙදි කැබැල්ලේ සුනඛයෙකුගේ පාද සටහන් තිබී ඇතිමුත් දරුවාට කසිදු හානියක් සිදුව නොමැති බවයි වාර්තා වන්නේ.

එම දරුවා දැනට නිරෝගීව අනුරාධපුර ශික්ෂණ රෝහලේ රැකවරණය යටතේ සිටිනවා.

එම සිසුවිය දරුවා ලැබීමට ආසන්න කාලයේ පුලියන්කුලම ප්‍රදේශයේ නිවසක කුලියට සිට ඇති බවයි පරීක්ෂණ වලදී අනාවරණ වී ඇත්තේ.

අනතුරුව අනුරාධපුර රෝහලේදී දරුවා ලැබීමෙන් අනතුරුව එම සිසුවිය නැවත එම නවාතැන වෙත පැමිණ ඇති බවයි වාර්තා වන්නේ.

සැකකාර වෛද්‍ය සිසුවිය එම ප්‍රදේශයේ තරුණයෙකු සමඟ ප්‍රේම සම්බන්ධතාවක් පවත්වා ඇති අතර එහි ප්‍රතිඵලයක් ලෙස ඇය ගැබ්ගෙන තිබෙනවා.

ඒ පිළිබඳව සිය නිවසට නොදැන්වූ එම සැකකාරිය ව්‍යාජ තොරතුරු ඉදිරිපත් කරමින් කුලී නිවසක මෙලෙස නවාතැන්ගෙන සිට ඇති බවයි අනාවරණ වී ඇත්තේ.

එහිදී එම නිවසේ හිමිකරුවන්ට ඇය විසින් ප්‍රකාශ කර ඇත්තේ තම සැමියා ජපානයට ගොස් ඇති බවයි.

ඇය පොලිසිය වෙත ප්‍රකාශ කර ඇත්තේ තම දෙමව්පියන් මේ පිළිබඳව දැනගතහොත් තම මරා දමනු ඇති බවට සිතා දරුවා මහමග දමා ගිය බවයි.
« PREV
NEXT »

Facebook Comments APPID

About Us

logo

fbtemplates in Lorem ipsum dolor sit amet, consectetur adipiscing elit. Nunc interdum metus vitae dui tempus ornare. Nulla facilisi. Vivamus id eros sit amet lorem condimentum ultrices. Phasellus imperdiet, magna at sodales dictum, nibh mauris tempor nulla, in consequat est purus eget.

Nulla facilisi. Vivamus id eros sit amet lorem condimentum ultrices. Phasellus imperdiet, magna at sodales dictum, nibh mauris tempor nulla, in consequat est purus eget.