Get all the latest news and hot gossip, gossip Lanka news, Sri Lanka exclusive news, Sri Lankan daily Sinhala, Hiru gossip, Neth gossip, celebrity English gossip, and much more on gossip99.com

Healthy Tips

Advertisements

Loading...

MINI GOSSIP

FACEBOOK

Loading...

මහනුවර මහ රෝහලේදී පෙරේදා (26දා) රාත්‍රි සාර්ථක ලෙස දෙවැනි හදවත් සැත්කමද සිදු කළේය. මෙම සැත්කමට පැය හතක් ගතවී තිබේ. මෙම සැත්කම අවසන් වන විට ඊයේ අලුයම වී තිබිණි.

මෙවර සැත්කම සිදුකරනු ලැබුවේ 19 හැවිරිදි සචිනි සෙව්වන්දි නම් තරුණියකටය. ඇයගේ හදවතේ ක්‍රියාකාරිත්වය සියයට දහය දක්වා අඩුවී තිබුණු අතර ඇයට හදවතක් බද්ධ කිරීමට වෛද්‍යවරුන් නිර්දේශ කර තිබිණි. ඒ අනුව මීට පෙර ඇයට හදවතක් බද්ධ කිරීමට සූදානම් වුවත් වෛද්‍ය උපකරණවල ඇති අඩුපාඩුවක් නිසා එය තාවකාලිකව නතර කිරීමට වෛද්‍යවරුන් කටයුතු කළේය.

රෝහල් අධ්‍යක්ෂවරයා ඇතුළු වෛද්‍ය කණ්ඩායම එම අඩුපාඩු පිළිබඳව සෞඛ්‍ය අමාත්‍යවරයා දැනුවත් කර තිබේ. එම වෛද්‍ය උපකරණ දින දෙකක් ඇතුළත රෝහලට ලබාදීමට අමාත්‍යවරයා කටයුතු කිරීමෙන් පසු වෛද්‍යවරුන් මෙම සැත්කම සාර්ථකව සිදුකර තිබේ.
මෙම සැත්කම සඳහා හදවත ලබාගෙන ඇත්තේ තලාතුඔය පුලියද්ද ප්‍රදේශයේදී යතුරුපැදි අනතුරකින් තුවාල ලබා දැඩි සත්කාර ඒකකයේ ප්‍රතිකාර ලබමින් සිටි මොළය අකර්මණ්‍ය වූ තරුණයකුගෙනි. ඔහුගේ හෘදය ලබාදීම සඳහා ඥාතීන් කැමැත්ත පළකර තිබිණි. ඒ අනුව අනිල් අබේවික්‍රම මහතා ඇතුළු වෛද්‍යවරුන් විසි දෙනකුගෙන් යුත් කණ්ඩායමක් මෙම සැත්කම සිදුකළහ.

මේ පිළිබඳව අදහස් දැක්වූ මහනුවර මහ රෝහලේ අධ්‍යක්ෂ සමන් රත්නායක මහතා කියා සිටියේ මහනුවර රෝහලේදී සිදුකළ දෙවැනි හෘද සැත්කම මෙය බවයි. හදවත් සැත්කම සිදුකළ රෝගියා දැනට දැඩි සත්කාර ඒකකයේ ප්‍රතිකාර ලබන අතර විශේෂඥ වෛද්‍යවරුන් කණ්ඩායමක් යටතේ ඉතා සුපරික්ෂාකාරීව රෝගියා රැක බලා ගැනීම් කටයුතු සිදුකරන බවද කීය.

මීට පෙර මෙම සැත්කම සිදුකළ නොහැකි වූයේ වෛද්‍ය උපකරණවල අඩුපාඩු තිබූ නිසා බවයි. පසුගියදා මාධ්‍ය මඟින් කුමන විවේචන ඉදිරිපත් කළත් වෛද්‍යවරුන් මේ හදවත් බද්ධ කිරීම සාර්ථකව සිදුකළ බවද අධ්‍යක්ෂවරයා සඳහන් කළේය. මීට පෙර මෙම සැත්කම සිදුකිරීමට යෑමේදී මාධ්‍ය මඟින් විවිධ මත සමාජ ගත කළ බවද අධ්‍යක්ෂවරයා සඳහන් කළේය. විවිධ කණ්ඩායම් දැනුමක් නැතිව සිදුකළ මතවාදයන් නිසා වෛද්‍යවරුන්ගේ සිත් රිදීමක් සිදුවුණු බවද ඔහු පැවැසීය. මෙවන් සංකීර්ණ සැත්කමක් සිදුකරන විට ඒ සඳහා අවශ්‍ය පරිසරය සම්පූර්ණ කළ යුතු බවද හෙතෙම පැවැසීය. සෞඛ්‍ය අමාත්‍යවරයා මේ පිළිබඳව මැදහත් වී කටයුතු කළ අතර අවශ්‍ය සියලුම පහසුකම් ලබාදී ඉදිරියේදී අවශ්‍ය මානව සම්පත් සහ වෛද්‍ය උපකරණ ලබාදීමටද එතුමා පියවර ගන්නා බව දැනුම් දුන් බවද අධ්‍යක්ෂවරයා වැඩිදුරටත් සඳහන් කළේය. පසුගියදා මාධ්‍ය මඟින් මේ පිළිබඳව විවිධ මත පළකළ පසු වෛද්‍යවරුන්ට ඇතිවූ සිත්තැවුල් නැතිකර වෛද්‍යවරුන් ඇතුළු කාර්ය මණ්ඩලය ධෛර්යවත් කිරීමට සෞඛ්‍ය අමාත්‍යවරයා පියවර ගත් බවද මහ රෝහලේ අධ්‍යක්ෂවරයා වැඩිදුරටත් සඳහන් කළේය.

සැත්කම පිළිබඳ අදහස් දැක්වූ සචිනිගේ පියා වන මහේෂ් කුමාර මහතා,
“26 වැනිදා රෑ 11.30ට පමණ දියණිය සැත්කමට ගෙන ගියා. අලුයම 5 පමණ වන තුරු සැත්කම කළා. සැත්කමින් අනතුරුව දරුවා දැඩි සත්කාර ඒකකයට ඇතුළත් කළා.”
පෙර පුවත : හදවත් බද්ධයට සෙව්වන්දි යළි ශල්‍යාගාරයට..!

මහනුවර මහ රෝහලේ හෘද ඒකකයේ දී පළමු හෘද බද්ධ කිරීමේ සැත්කම සාර්ථකව සිදුකළ වෛද්‍ය කණ්ඩායම යළිත් හදවත්වලින් බැඳෙමින් අසාධ්‍යය තත්ත්වයෙන් එම ඒකකයේ ප්‍රතිකාර ලබමින් සිටි සචිනි සෙව්වන්දි නමැති දහනව හැවිරිදි තරුණියට ඊයේ (26) රාත්‍රී 10.30 ට පමණ හදවත් බද්ධ කිරීමේ සැත්කමක් සිදු කිරීමට සැලසුම් කර තිබිණි. ඇයව ශල්‍යගාරය වෙත රැගෙන යාම සඳහා සියලු කටයුතු රාත්‍රී 8.30 පමණ වනවිට සූදානම්ව තිබූ බව සෙව්වන්දිගේ පියාවන මහේෂ් කුමාර පැවසුවේය. යතුරු පැදි අනතුරකින් බරපතළ තුවාල ලැබ මහනුවර මහ රෝහලේ දැඩි සත්කාර ඒකකයේ දින ගණනවක් ප්‍රතිකාර ලබමින් සිටි හාරගම ප්‍රදේශයේ විසිඅට හැවිරිදි තරණයකුගේ හදවත සෙව්වන්දිට බද්ධ කිරීම සඳහා ලබා දීමට ඔහුගේ ඥාතීන් කැමැත්ත පලකර තිබිණි.

ඊෙය් රාත්‍රී එම තරුණයාගේ වකුගඩු දෙකද වෙනත් රෝගීන් දෙදෙනකුට බද්ධ කිරීම සිදු විණි. මොළය මියගිය අයගේ හදවත ඔහුගේ ශරීරයෙන් ඉවත් කිරීම් සැත්කම මුලින් ආරම්භ කර තිබෙන අතර එය රාත්‍රී 8.30 ට පමණ ආරම්භ කර තිබෙන බව වාර්තාවෙයි.

පසුගිය 19 දින ඇයට හදවත් බද්ධ කිරීමක් සිදු කිරීමට සියලු කටයුතු සැළැසුම් කර තිබිය දී හදිසියේ සැත්කම අත්හිටුවීම හේතුවෙන් මහත් ආන්දෝලනයක් ඇතිවූ අතර සෞඛ්‍යය ඇමැතිරයා සමඟ කළ සාකච්ඡාවකින් පසු වෛද්‍ය කණ්ඩායම හදවත් බද්ධ කිරීමේ සැත්කම් යළි ආරම්භ කිරීමට එකඟවී ඇත.

ඒ අනුව ඇමැතිවරයා හදවත් බද්ධ කිරීමේ දී අත්‍යවශ්‍යය වන යන්ත්‍ර කිහිපයක් රෝහලට ලබා දී තිබේ. පළමු හදවත් බද්ධය මඟ හැරී සතියක් ගත වන්නට මත්තෙන් තවත් හදවතක් බද්ධ කිරීම සඳහා සෙව්වන්දි‍ට ලැබීම ඉතා කලාතුරකින් සිදුවන්නක් බව වෛද්‍යවරු පවසති.

අලුත්ගම ප්‍රදේශයේ පදිංචි සචිනි සෙව්වන්දිගේ හෘද ක්‍රියාකාරීත්වය 10 % ක පමණ මට්ටමක් දක්වා අඩුවී තිබූ අතර හදවතක් බද්ධ කිරීමෙන් පමණක් ඇයගේ ජීවිතය බේරා ගැනීමට හැකි තත්ත්වයක් මතුව තිබිණි. සචිනිගේ වැඩමහල් සහෝදරිය ද මෙයට වසර පහකට පෙර මියගොස් ඇත්තේ හදවත් රෝගයකිනි.

පොළොන්නරුව ප්‍රදේශයේ යුද හමුදා සෙබළෙකු‍ හදිසි අනතුරකට ලක්ව පොළොන්නරුව රෝහලේ දැඩි සත්කාර ඒකකයේ ප්‍රතිකාර ලබමින් සිටිය දී මොළය මියගොස් යන්ත්‍ර අධාරයෙන් හෘද ස්පන්ධනය පවත්වා‍ ගෙන යද් දී ඔහුගේ බිරිය හා ඥාතීන් ශරීර කොටස් බද්ධ කිරීම සඳහා ලබා දීමට එකඟතවෙ පලකර තිබිණි.

එම තරුණයාගේ හදවත සෙව්වන්දිට බද්ධ කිරීම සඳහා මහනුවරට රැගෙන ආ නමුත් නිර්වින්දන වෛද්‍යවරු උපකරණවල පවතින අඩුපාඩු හේතුවෙන් ශල්‍යකර්මය සිදු කිරීමට නොහැකි බව දැනුම් දීම නිසා හදවත බද්ධ කිරීම අපේක්ෂා කළ පරිදි සිදු නොවිණි.

තම දෙවන දරුවාත් මරණය වෙත තල්ලු වනු බලා සිටීමට නොහැකිව සෙව්වන්දිගේ පියා මෙම හදවත් බද්ධය සිදු නොකිරීම සම්බන්ධයෙන් පරීක්ෂණයක් පවත්වන ලෙස සෞඛ්‍යය ඇමැතිවරයා ගෙන් ඉල්ලීමක්ද කැර තිබිණි.

ඒ අතරතුර හදසි අනතුරකට ලක්ව මොළය මියගිය අයෙකුගේ හදවත සෙව්වන්දිට බද්ධ කිරීම සඳහා ලබා දීමට ඔහුගේ ඥාතීන් එකඟතාව පලකළ අතර එම හදවත සෙව්වන්දිගේ ශරීරයට ගැලපෙන්නේද යන්න සෙවීම සඳහා කළ පරීක්ෂණද ඊයේ (26) වන විට අවසන්ව තිබුණු බව සෙව්වන්දිගේ පියා වන මහේෂ් කුමාර පැවසුවේය.

හදවත් බද්ධ කිරීමේ ශල්‍යකර්මයට පෙර ලබාදෙන ‍ඖෂධ දියණියට පස්වරුවේ ලබාදුන් බව ද ඔහු කීවේය.

If You Like To Help Us
Gossip Lanka - Gossip99
wmf.a kj;u mqj;a my;ska n,kak
gossip , gossip Lanka, col3neg ______________________________________________________________
© 2015 Gossip99 Email : info@gossip99.com
Advertising - Contact Here Editor - Contact Here Help Desk :
All the content on this website is copyright protected.
_______________________________________________________________________________________ www.Gossip99.com is a Sri Lankan online Gossip news website with rich content of 24 hours updated Sri Lankan and world news Reporting in English and Sinhala language. The premium exclusive Sri Lankan Online News Network providing around the clock breaking news in local, international, world, politics, sports, entertainment, hot gossip and event photos. We provide Sri Lanka news, Latest News updates and information, Sri Lanka Business News, Breaking news and updates, celibrity Gossip , Sri Lanka cricket news, Business and finance news, A collection of news items from many sources, Stock Market News and Discussions, Balanced Independent news provider, Breaking Hot News from Sri Lanka, Entertainment hot gossip update throughout the day, include Sri Lanka news paper articles written in Sinhala and English Language.

GOSSIP99

Advertisements

Loading...

VIDEO PORTAL

GALLERY

KELIBIMA