සුපිරි ක්රීඩක විරාත් කෝලිගේ හා සුරූපි බොලිවුඩ් නිළි අනුෂ්කා ෂර්මාගේ විවාහය මේ වන විට බොහෝ දෙනාගේ කතාබහට ලක්වන මාතෘකාව වී තිබුන.
කෝලිගේ විවාහය මේ මස සිදුවන බව පසුගිය කාලය පුරාම රාවයන් පැතිර ගිය අතර, ශ්රී ලංකා කණඩායම සමග පැවත්වෙන එක්දින තරඟාවලියට කෝලි සහභාගී නොවීම මෙම සැකය තවත් තහවුරු කරන්නක් විය.
ඉන්දීය සුපිරි ක්රිකට් ක්රීඩක විරාත් කෝලි සුරූපි බොලිවුඩ් නිළි අනුෂ්කා ෂර්මා සමග ඊයේ (11) යුග දිවියට පිවිසුණා.
ඔවුන්ගේ විවාහ උත්සවය පැවැත්වුණේ ඉතාලියේ මිලානෝ නුවරදී.
මංගල උත්සවයට පවුලේ උදවිය හා ඉතා සමීපතම මිතුරන් පමණක් සහභාගී වන බව ඉන්දීය මාධ්ය සඳහන් කර අතර Borgo Finocchieto නම් හෝටලයේ ඔවුන්ගේ විවාහ මංගල උත්සවය පැවත්වූ බව සඳහන් වෙයි.
හිටපු ඇමරිකානු ජනපති බැරැක් ඔබාමාද මෙහි නවාතැන් ගෙන ඇති බව සඳහන් වන අතර ෆෝබ්ස් සඟරාවට අනුව ලොව දෙවන වැඩිම අය කිරීමක් කරනා නිවාඩු නිකේතනය වෙයි.
මෙම විවාහය ඔවුන්ගේ ජීවිත වලට බොහෝ සර්ථකත්වයන් ලබාදෙන බව ඉන්දියානු ජෝතිෂ්යවේදියකු සඳහන් කර තිබේ.
කෙසේ වෙතත් ඔවුන්ගේ විවාහ ජීවිතය තුළ යම් යම් ආරවුල්ද ඇතිවිය හැකි බව එම ජෝතිෂ්යවේදියා සඳහන් කර තිබේ.
යුග දිවියට එළැඹී පළමු වසර දෙකේදී මෙම ආරවුල් ඇතිවිය හැකි බව සඳහන් කරන එම ජෝතිෂ්යවේදියා, ඔවුන් දෙදෙනාගේ වෘත්තීය ජීවිතය හා පෞද්ගලික ජීවතය පටලවා ගැනීම මෙම තත්වයට හේතුවිය හැකි බව ඔහු සඳහන් කරයි.කෙසේ වෙතත් ඉන්පසුව කෝලි – අනුෂ්කා යුවළ යහපත් පවුල් ජීවිතයක් ගත කරනු ඇතයිද සඳහන් වෙයි.
ඡායාරූප එකතුවක් පහතින්...
Today we have promised each other to be bound in love forever. We are truly blessed to share the news with you. This beautiful day will be made more special with the love and support of our family of fans & well wishers. Thank you for being such an important part of our journey. pic.twitter.com/Scobdiqk7l
— Anushka Sharma (@AnushkaSharma) December 11, 2017
