BREAKING NEWS
latest

728x90

468x60

ඇමැතිවරුන්ට "කාර්ය මණ්‌ඩලය සමග ලිංගික පහස තහනම්"

සිය කැබිනට්‌ මණ්‌ඩලයේ අමාත්‍යවරුන්ට ඔවුන්ගේ කාර්ය මණ්‌ඩලයේ සේවකයන් සමග ලිංගික පහස ලැබීම තහනම් කරන බව ඔස්‌ටේ්‍රලියාවේ අගමැති මැල්කම් ටර්න්බුල් පවසයි. 

අගමැතිවරයා ඒ බව නිවේදනය කළේ, ඔහුගේ නියෝජ්‍ය අගමැතිවරයා සිය කාර්ය මණ්‌ඩලයේ හිටපු සාමාජිකාවක සමග ලිංගික සබඳතාවක්‌ පැවැත්වූ බව අනාවරණය වීමෙන් අනතුරුවය. 

මාධ්‍ය හමුවක්‌ අමතා අදහස්‌ දැක්‌වූ අගමැති මැල්කම් ටර්න්බුල් (Malcolm Turnbull), නියෝජ්‍ය අගමැති බානබි ජොයිස්‌ගේ (Barnaby Joyce) හැසිරීම හෙළා දුටුවේය. 

උප අගමැතිවරයා අමාත්‍යවරුන් සම්බන්ධ ආචාර ධර්ම උල්ලංඝනය කළේ දැයි විමර්ශනය කෙරෙන තුරු ඔහු තාවකාලිකව නිවාඩු ලබාගෙන තිබේ. 

නියෝජ්‍ය අගමැති බානබි ජොයිස්‌ ඔස්‌ටේ්‍රලියාවේ පවතින නීතිය උල්ලංඝනය කර නැති බව නියෝජ්‍ය අගමැතිවරයා මෙන්ම අගමැතිවරයා ද අවධාරණය කරති. 

එහෙත් අගමැතිවරයා පවසන්නේ මින් අනතුරුව අමාත්‍යවරුන්ට දැනට වඩා දැඩි ආචාර ධර්ම පද්ධතියක්‌ හඳුන්වා දෙන බවය. 

"ඇමැතිවරු ඒ ආචාර ධර්ම පද්ධතියට අනුකූලව හැසිරිය යුතුයි. ඔවුන් තමන්ගේ කාර්ය මණ්‌ඩලය සමග ලිංගිකව නොහැසිරිය යුතුයි," අගමැති මැල්කම් ටර්න්බුල් මාධ්‍යවේදීන් හමුවේ පැවසීය. 

ඊට පෙරාතුව පාර්ලිමේන්තුවේදී අදහස්‌ දැක්‌වූ අගමැතිවරයා, තමන් ලබන සතියේ ඇමෙරිකා එක්‌සත් ජනපදයේ සංචාරයක නිරතවන විට නියෝජ්‍ය අගමැති බානබි ජොයිස්‌ වැඩ බලන අගමැති පදවියට පත් නොකරන බව සඳහන් කළේය. 

නියෝජ්‍ය අගමැතිවරයා සහ ඔහුගේ හිටපු මාධ්‍ය උපදේශිකාව විකී චැම්පියන් අතර සම්බන්ධතාව හෙළිදරවුවීමෙන් අනතුරුව ඒ පිළිබඳව ඔස්‌ටේ්‍රලියානු දේශපාලන ක්‌ෂේත්‍රයේ ප්‍රබල සංවාදයක්‌ මතු කර තිබේ.
« PREV
NEXT »

Facebook Comments APPID